Anadoluda dondurmanın təxminən 300 illik bir ənənəsi var. Dağların yamaclarında tərtəmiz halı ilə qalmış qarları yığıb onu bəhməz, müxtəlif meyvələr və növbənöv ətirli bitkilər qarışdıraraq Karşambaçı əldə edən xalq vaxt ötdükcə qarın əriməyinə qarşı formulalar axtarmağa başlayıb..

Bu isə indi Türkiyənin Maraş dondurması olaraq tanıdığı nəfis gözəlliyin yaranmasına qədər gətirib çıxarıb. Maraşın ləzzət yaratmaq ustaları bir dağın onlar üçün sinəsində bəslədiyi nemətləri gözəl nəticəyə çeviriblər. Bu tarix içində MADO`nun və onun yaradıcısı olan Kambur ailəsinin xüsusi yeri var. Maraşlılar və Maraş dondurmasının aşiqi olan insanlar bu ənənənin təməlini qoyan Osman ağanın da Ahir dağının zənginliklərindən ilhamlandığını nəql edirlər.

MADO`nun və Maraşın əfsanəvi dondurmasının markalaşma və sistemləşmə səyahəti isə 1962-ci ildə 25 kvadrat metrlik bir məkanda açılan Yaşar Şirniyyat Evi ilə başlayıb. Əvvəlcə dondurmanın əsasını Ahir dağının ağappaq qarında götürüblər. Sonradan qarın tapılmasının çətinliyi Kambur ailəsini buzdan istifadəyə yönləndirib. Bu məkanda müxtəlif ibtidai maşınları və alətləri istifadə edən usta əllər döymə dondurmanın formulunu bəxş edib dünyaya. Bıçaqla kəsilən və çəngəllə yeyilən, qaşığın “bata bilmədiyi” qədər sərt, amma ağızda ləzzətini verməkdən həzz alacaq qədər də səxavətli və zərif.

MADO adını isə 1991`ci ildən etibarən eşitməyə başladı İstanbullular. 10-20 il bir markanın yaranması üçün heç də böyük bir tarix sayılmasa da, təbiətin və ləzzətin xarakterini bilənlər bilir – bəzən təməli əsrlər boyu atılan əsərlərin üzə çıxması bir neçə il tələb edir. MADO təbiətin bəxş etdiyi ləzzətin adı olduğu üçün 300 illik möhkəm tarixin 10 ildə markaya çevrilməsi olduqca təbiidir.

Artıq Türkiyədə dondurmanın adına çevrilmiş MADO üçün yeni hədəf qlobal miqyaslı oyunçu ola bilməkdir. Bunun üçün atılan ilk addımlar hədəfin əlçatmaz olmadığını göstərir. Uğur olsun!